چۆنیەتی گوێزانەوەی کۆپەرماین گەلەری بۆ سێرڤەرێکی تر

 خوێنەری بەریز ئەمەی کە لە بەردەستتدایە سەبارەت بە گوێزانەوەی ماڵپەڕێکە کە بە سکریپتی ( سی.پی.جی - کۆپەرماین ) - cpg Coppermine  دروستکراوە بۆ ڕاژەکارێک ( سێرڤەر ) ی تر .  کردارەکە بە چەند هەنگاویکی سادە و خێرا کۆتایی دێت.

١-  پێویستە بە ف.ت.پ FTP  سەرجەم ئەو بوخچەیەی کە خۆت مەبەستتە بیهێنیتە سەر کۆمپیوتەرەکەت و دواتر بە هەمان بەرنامە بیگوێزیتەوە سەر سێرڤەرە نوێیەکە.

٢-  هەوڵ بدە کە بچیتە پ.ه.پ. مای ئەدمین ( PHP My admin  )  و لەوێ بچیتە ئەو بنکە زانیارییەی کە بە سەرجەم خشتەکانی سکریپتەکەی تێدا دروستکراون.

٣- پاش چوونە ژوورەوەت هەوڵ بدە کە لە بنکەی زانیارییەکەدا دووگمەی ئیکسیۆرت هەڵبژێریت

٤- پاش کرتە لێکردن لێی ، پەنجەرەیەکی نوێت بۆ ئەکرێتەوە ، لێرەدا هەموو ئەو خشتانە هەڵبژێرە کە مەبەستتە بیانگوێزیتەوە و  دواتر شێوەی پەستراو ( ZIP ) هەڵبژێرە  و پاش ئەو دوو هەنگاوە کرتە بکە لە دەستپێکردن Start .

٥- پاش کرتە کردن لە دەستپێکردن ، فایلە پەستراوەکە دروستئەکرێت و هەوڵ بدە کە لەسەر کۆمپیوتەرەکەت پاشەکەوتی بکەیت .

٦- پاش کرتە کردن پاشەکەوتکردنی فایلە پەستراوەکە هەوڵ بدە کە بچیتە پ.ه.پ مای ئەدمنی سێرڤەرە نوێیەکە و لەوێ کرتە کە لە دووگمەی ئیمپۆرت هەروەک لە وێنەکەدا دیارە ، بە هەمان شێوە پەنجەرەیەکت بۆ ئەکرێتەوە و ئەو فایلەی کە لە هەنگاوی پیشتردا پاشەکەوتمان کرد هەڵبژێرە و کرتە بکە لە دەستپێکردن Start .  پاش کەمێک پەیامێکی بچوک دەرئەکەوێت کە خستەکان بە سەرکەوتوویی گوێزراونەتەوە .

٧ - دواتر بچۆ فایلی کۆنفگ (  config.inc.php ) لە بوخچەی ئینکلود ( include ) بکەرەوە ، و زانیارییە گرنگەکان کە بریتین لە ناوی بەکارهێنەر، ناوی بنکەی زانیاری، وشەی تێپەڕبوون بگۆڕە بە نوێیەکان و دواتر ئەم فایلە نوێیە لە جێگای کۆنەکە دابنێ ، ئەو کات  بچۆ ماڵپەڕەکەت و تێبینی ئەکەیت کە سەرجەم گەلەریەکەت گوێزراوەتەوە ، ئەگەر چاوت بە چەند هەڵەیەک کەوت کە لانێو مالپەڕەکەدا دەرکەوتوون ، ئەوا هەوڵ بدە کە ئەو فایلەی کە هەڵەکە پیشان ئەدات بیگۆڕیت بە نوێترین فایلی ئەپدەیتکراوی سکریپتەکە.