بێکارکردنی 7000 که‌س له‌ بانکی ئی ئێن خه‌ی

له‌ نێو ئه‌‌و قه‌یرانه‌ ئابوری‌یه‌ی که‌ سه‌رجه‌م جیهانی گرتۆته‌وه‌  بانکی  ئی - ئێن- خه‌ی ING له‌ چاره‌کی کۆتایی ساڵی 2008 دا نزیک به‌ به‌ 3.3 ملیار یورۆ زیانی پێ گه‌یشتوه‌ ،  ئه‌مڕۆ به‌ڕێوه‌به‌ری گشتی بانک ڕایگه‌یاند که‌ بۆ که‌مکردنه‌وه‌ی ئه‌و مێگا زیانه‌ی که‌ به‌ر بانک که‌وتووه‌ له‌ ساڵی 2009 دا حه‌وت هه‌زار که‌س بێکار ئه‌کات .  له‌ هه‌وڵێکی فریاکه‌وتن ی به‌رگرتن به‌ زیانه‌کانی ئه‌م بانکه‌ له‌ مانگی ئۆکتۆبه‌ردا حکومه‌تی هۆڵه‌ندا بڕی 10 ملیارد یورۆی کۆمه‌ک کرد. بێکارکردن و ناردنه‌ ماڵه‌‌وه‌ی هه‌زاران که‌س له‌ دواین قه‌یرانه‌ ئابوریی‌یه‌کان یه‌که‌مین هه‌نگاوی سه‌رمایه‌داری جیهانی بووه‌ بۆ چاره‌سه‌رکردنی کێشه‌کان.